Upp úr aldamótum ákvað Ísaga að fara inn á própan markaðinn með látum en vissi að einhverrar sérstöðu þyrfti að gæta til að ná fótfestu á hinum grjótharða markaði. Lausnin var að bjóða upp á einhverja nýjung og það vildi nú svo til að fyrirtæki í Noregi sem nefndist Ragasco var í samvinnu við AGA að kynna nýjung á markið, Própan fékkst nú í plasthylki, hylki sem var léttara, gegnsætt og myndi ekki springa í eldi, hver vildi nú ekki eiga svoleiðis.
Það var við ramman reip að draga þegar koma að því að finna sölustaði og því var brugðið á það ráð að bjóða upp á aðra nýjung sem var “heimsending á höfðuborgarsvæðinu”
Margar góðar sögur eru til um skemmtilegar uppákomur í heimsendingum og hversu miklir bjarvættir sendlarnir voru oft á tíðum eins og það að hafa afhent kút korter fyrir sex á aðfangadag og jólunum bjargað.
Ekki skal því haldið fram að samfélagið hafi farið á hliðina við þessa nýbreytni en heimsendingunni var vel tekið og var tvöföldun á þjónustunni ár eftir ár allt fram til 2006 þar sem toppnum var náð. Eftir 2006 og í kjölfar hrunsins fór fólk að leita allra leiða til að spara og var þetta álitinn óþarfa lúxus sem mátti skera niður, fjaraði nú undan og er nú svo komið að bara allra hörðustu viðskiptavinirnir halda tryggð við þjónustuna en þeir eru einfaldlega of fáir.
Frá og með 31.mars næstkomandi mun AGA GAS heimsending (áður GASOL heimsending) verða lögð niður og er öllum þeim sem hafa að henni komið þakkað kærlega fyrir samvinnuna á sviðnum hárum.
En AGA GAS fæst samt „Alls staðar“ og skiptir engu máli hvort það er „Smellt eða skrúfað“